Лицей ұстаздары кәсіби еңбегі мен білім саласына қосқан зор үлесі үшін жоғары марапаттарға ие болды!🏅 Қазақстан Республикасы Оқу-ағарту министрлігінің «Еңбек ардагері» медалімен лицейіміздің орыс тілі мен әдебиеті пәні мұғалімі ретінде зейнетке шыққан Турашева Кульназ Махметовна марапатталды.🎖 Қазақстан Республикасы Оқу-ағарту министрлігінің «Білім беру ісінің құрметті қызметкері» төсбелгісімен қазақ тілі мен әдебиеті пәні мұғалімі Ибраимова Раушан Нигиметбековна марапатталды.Ұстаздарымыздың бұл марапаттары — олардың көпжылдық қажырлы еңбегінің, шәкірт тәрбиелеудегі кәсіби шеберлігінің және білім беру саласына қосқан зор үлесінің айқын дәлелі.Құрметті әріптестерімізді шын жүректен құттықтай отырып, шығармашылық табыс, мықты денсаулық тілейміз!
Жаңалықтар
✨ Құттықтаймыз!✨
“Әбіш оқулары” ғылыми-шығармашылық байқауының облыстық кезеңі
2026 жылдың12 наурызында өткен “Әбіш оқулары” ғылыми-шығармашылық байқауының облыстық кезеңінен оқушыларымыз жетістікке жетті:• Ә.Кекілбаевтың шығармаларын(прозасы, поэзиясынан)мәнерлеп оқу бағыты бойынша Жұмабайұлы Рамазан ІІІ орын;• Ә.Кекілбаевтың шығармаларынан зерделеу жоба бағыты бойыншаЯкай Бексұлтан ІІІ орынҚұттықтаймыз! Алар асуларың көп болсын.
Жалғасын тапқан тағы бір жетістік
Астана қаласында өткен Қаржы және экономика бойынша олимпиаданың республикалық кезеңінде оқушымыз Бекмолда Әділет жүлделі ІІ орынға ие болды! Құттықтаймыз👏🏻👏🏻👏🏻Жеңіс биігінен көрінген оқушымызбен мақтанамыз!БИЛ алға!
Ғалым жобаның республикалық кезені жеңімпаздары
2026 жылдың ақпан айы лицейіміз үшін жарқын жетістіктерге толы болды ✨
Қарағанды қаласында өткен Республикалық ғылыми жобалар конкурсының қорытынды кезеңінде 11-сынып оқушыларыУсенов Нұрасыл және Мырзабек Ұланөлкетану секциясы бойынша жүлделі ІІІ орынға ие болды 🥉🏆👏
Ал Астана қаласында өткен республикалық кезеңдеБолысбай Нұркелді мен Башаров АсланІІІ дәрежелі дипломмен марапатталып, жоғары нәтиже көрсетті 🥉🏆🔥
Оқушыларымыз Жетісу облысының намысын абыроймен қорғап, республика деңгейінде үздіктер қатарынан көрінді 💪📚
Жеңімпаздарымызды шын жүректен құттықтаймыз! 🎉Білім мен ғылым жолындағы табыстарыңыз арта берсін, алар асуларыңыз биік болсын! 🚀📖
Лицейіміздің мерейін үстем етіп жүрген сіздерге алғысымыз шексіз ❤️
Үздік олимпиадалық команда
Жалпы білім беретін пәндер бойынша 9-11 сынып оқушыларына арналған олимпиаданың облыстық кезеңі жеңімпаздарын марапаттау салтанатында лицейіміз облыс бойынша «Үздік олимпиадалық команда» номинациясы бойыншаІ орынға ие болды! Бұл – барша ұжымның ортақ еңбегінің жемісі.Осы жетістікке жетуде аянбай еңбек еткен мұғалімдерімізге, білімге ұмтылған оқушыларымызға, әрдайым қолдау көрсеткен ата-аналарымызға және тынымсыз еңбек етіп жүрген барлық қызметкерлерімізге шынайы алғысымды білдіреміз!
19 наурыз – Жаңару күні
Бүгін мектебімізде Жаңару күніне орай игі іс-шара ұйымдастырылды. Табиғатты аялау, қоршаған ортаны қорғау мақсатында мектеп ауласына ағаш отырғызу жұмыстары жүргізілді.Атап айтқанда, 3 қылқан жапырақты ағаш, 5 жеміс ағашы және 7 қарапайым ағаш отырғызылды 🌳Бұл шара оқушыларға табиғатқа деген сүйіспеншілік пен жауапкершілікті сезінуге, қоршаған ортаны қорғауға тәрбиелейді. Жаңару күні – жаңа бастамалардың, тазалық пен жақсылықтың символы.
Қабылдау емтиханы
ЖЕТІМ
Қазақстан Республикасының Тұңғыш Президенті күніне орай «Қазақстан және Елбасы» тақырыбында мектепішілік іс –шаралар жоспары негізінде «Рухани жаңғыру» бағдарламасы аясында М.Әуезовтың туғанына 120 жылдығына орай, «ЖЕТІМ» әңгімесі аясында, 7 сынып оқушыларымен, кітапхана меңгерушісі Қамытбекова Н., қазақ тілі мен әдебиеті пәні мұғалімі Алдибекова А., Ибраимова Р. апайлармен өткізілген дөңгелек үстел жоғарғы деңгейде өтті. Дөңгелек үстелге балалар үйінің қазақ тілі пәні мұғалімі Әйгерім апай мен оқушы қызы қатысып, «ЖЕТІМ» әңгімесі бойынша сұхбаттасып, өз ойларымен бөлісті. Талдықорған қаласындағы жетім балалар үйінің тыныс –тіршілігін білу мақсатында лицей оқушылары сұрақ қою арқылы жауаптарын алды.
Қазіргі кезеңдегі Қазақстан Республикасы Қарулы Күштері
18.10.17 ж. «Білім-Инновация» лицей-интернат» базасында қалалық Алғашқы әскери дайындық пәні мұғалімдеріне, Рухани жаңғыру бағдарламасы аясында «Қазіргі кезеңдегі Қазақстан Республикасы Қарулы Күштері» атты оқыту семинары 37 ұстаздың қатысуымен өтті. Семинардың мақсаты: Қалалық Алғашқы әскери дайындық пәні мұғалімдерімен тәжірбие алмасу. Міндеттері: бірлесе жұмыс істеудің жолын қарастыру; кәсіби орта құра отырып, оқытудың әдіс тәсілдерімен бөлісу.
Қазіргі кезеңдегі Қазақстан Республикасы Қарулы Күштері
Семинар бағдарламасының тақырыбы мен күн тәртібіндегі мәселелер туралы қалалық АӘД пәні мұғалімдері әдістемелік кеңесінің төрағасы Айтбаев Б. таныстырды. «Қазіргі кезеңдегі Қазақстан Республикасы Қарулы Күштері» тақырыбы бойынша лицейдің алғашқы әскери дайындық пәні мұғалімі Қ.Кенесбаев, 10 cыныпты топқа бөлу арқылы іс-тәжірибесімен бөлісті.
Семинардан күтілетін нәтиже: Мұғалімнің бірлесе жұмыс істеудің жолын қарастыру туралы пікірі қалыптасады; Мұғалім өз тәжірибесіне енгізеді; Топтық жұмыс дағдылары қалыптасады.
Рухани жаңғыру
Мемлекет басшысының «Болашаққа бағдар: рухани жаңғыру» атты мақаласы аясында «Білім-инновация» лицей-интернатында Қазақстан Республикасының полигонын жабуда өте зор үлес қосқан Олжас Сүлейменовтын бірінші көмекшісі Мамбетов Хамит Исаұлымен кездесу өткізілді.
Қанымызға сіңген көптеген дағдылар мен таптаурын болған қасаң қағидаларды өзгертпейінше, біздің толыққанды жаңғыруымыз мүмкін емес. Төл тарихымызға, бабаларымыздың өмір салтына бір сәт үңіліп көрсек, шынайы прагматизмнің талай жарқын үлгілерін табуға болады – деп оқушылармен әдеби-сазды кешін өткізді. Әдеби-сазды кешке лицей оқушылары, ұстаздары мен тәрбиешілері қатысып, ойларымен бөлісіп Хамит ағамыздын сұрақтары жауап айтып, би билеп, тақпақ пен ән айтып өткен тарихты көз алдында елестетіп, бір жауапкершілікте екендерін сезініп қайтты.
Хамит Исаұлы лицей оқушыларын көп кітап оқуға шақырды. Кездесу соңында директордың тәрбие ісі жөніндегі орынбасары Мейрам Жолдыбайұлы Хамит ағамызға лицейіміздің тарихы туралы кітабын сыйға тартты.
«ҰСТАЗ – МЕКТЕП ЖҮРЕГІ»
Тәуелсіз еліміздің басты құндылығы ұрпақ тәрбиесі жолында қызмет етіп келе жатқан мұғалімдердің ата-анадан кейінгі алатын орны ерекше. Лицейімізде ұстаздарға арналған мерекелік іс-шара оқушылардың өзін-өзі басқару ұйымының жетекшілігімен және 7-11 сынып оқушыларының қатысуымен өтті. Жиын залында оқушылар ұстаздарын шоқ гүлдерімен қоса мерекелік жақсы тілектерімен қарсы алды. Сахнада барлық сынып оқушылары кезек- кезек ән айтып, би билеп, қызықты көріністерімен мұғалімдерге мерекелік шаттық көңіл күй сыйлады.
«Өзін-өзі басқару ұйымы» сайлау
Талдықорған «Білім-Инновация» лицей- интернатында» оқушыладың өзін-өзі басқару ұйымына сайлау өтті. Сайлауға 11сынып оқушылары арасынан президенттікке 4 оқушы, министірліктерге 10 сынып оқушыларынан 16 үміткер болды.Олар сайлау алды науқанына белсене қатысып лицей оқышыларын, мұғалімдерді бағдарламаларымен таныстырып, үгіт- насихат жұмыстарын жүргізді.
Сайлау қорытындысы лицей ұжымы мен оқушыларына салтанатты сапта жарияланып жеңіске жеткен жетістіктерімен құттықталды «Білегіңе сенбе, біліміңе сен!» ұранымен лицейіміздің президенті болып Күмісбек Досжан сайланды, Білім және ғылым министрі – Арзенов Қажымұқан, Байланыс және ақпарат министрі – Бекетайұлы Данияр, Еңбек және халықты әлеуметтік қорғау министрі – Қамай Ұлан, Қоршаған ортаны қорғау министрі - Әсет Ердана, Денсаулық және спорт министрі - Нұрдыбай Жарас, Бейсенхан Бейғұт - Мәдениет министрі болып, сайлаушылардың көңілінен шығып, көп дауыс жинап сайланды. Лицей Президенті Күмісбек Досжан «Бірлік түбі - береке» негізінде ой бөлісіп, бірлесе жұмыс атқаруға шақырды.
Өзін-өзі тану пән мұғалімі С.Нұрсапаева 10б сынып оқушыларымен «Отбасы – өмірдің мәні» атты ашық тәрбие сағаты жоғары деңгейде өтті. Мақсаты оқушыларды отансүйгіштікке, адамгершілікке, рухани тазалыққа баулу. Отбасы тәрбиесінің мән - маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.
Кітапханашы Н.Қамытбекова «Отбасы – бақыт мекені» атты көрме ұйымдастырылып, өзін-өзі тану пән мұғалімі С.Нұрсапаева 10б сынып оқушыларымен «Отбасы – өмірдің мәні» атты ашық тәрбие сағаты жоғары деңгейде өтті. Мақсаты оқушыларды отансүйгіштікке, адамгершілікке, рухани тазалыққа баулу. Отбасы тәрбиесінің мән - маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.
Отбасылық спорттық сайыс «ӘКЕМ, АНАМ ЖӘНЕ МЕН» атты отбасылық жарыс арқылы қорытындыланды.
«ӘКЕМ, АНАМ ЖӘНЕ МЕН»
13-23 қыркүйек аралығында «Отбасы – бақыт мекені» тақырыбында Қазақстан Республикасының Президенті – Елбасы Н. Ә. Назарбаевтың «Қазақстан — 2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауын іске асыру шеңберінде халық арасында салауатты өмір салтын насихаттау, оқушылардың ата – аналарын дене шынықтыру мен спортқа баулу аясында отбасылық спорттық жарыс өткізілді.
Мақсаты: Оқушыларды және ата-аналарды сұлу да сымбатты, денсаулығы зор, күшті болу үшін денені шынықтыру, оларға спортпен айналысуын қажет екендігінің манызын түсіндіру. Оларға спорттық ойындарды орындата отырып, спортқа деген қызығушылықтарын арттыру. Салауаттану – адам жанының да, тәнінің де тазаруы, денсаулығының жақсаруы, сондықтан салауатты өмір салтын ұстануға тәрбиелеу. Лицей апта аясында өтілетін іс-шаралар жоспары негізінде, апталықтың ашылуы «Әрбір отбасы мемлекет қорғауында» атты салтанатты жиынмен ашылды.
«Тіл- асыл қазына»
Кітапханашы Н.Қамытбекова «Тіл- асыл қазына» атты көрме ұйымдастырды.Тарих пәні мұғалімдері Мурзекенов А., Қожабекова Ә. «Латын әліпбиіне көшудің өзектілігі» атты ашық тәрбие сағаты 10 сыныптар арасында жоғарғы деңгейде өтті. 7-10 сыныптардың қатысуымен «Көп тіл білген адам» тақырыбында эссе, өлең жазу байқауы ұйымдастырылды. Барлық оқушылардың тіл жайында жазған жұмыстары тыңдалып, талқыланып, нәтижесі шығарылды.
«Тіл- бар білімнің кілті»
13-23 қыркүйек аралығында «Тіл- бар білімнің кілті» тақырыбында тілдер мерекесі, Елбасының «Болашаққа бағдар:рухани жаңғыру» атты бағдарламалық мақаласы аясында тілдер мерекесі өткізілді. Мақсаты: Жас ұрпақты мемлекеттік тілді мақтан тұтуға, құрметтеуге тәрбиелеу. Туған елін сүюге, еліне деген мақтаныш, патриотизмін нығайту. Оқушылардың «ҚР-ғы Тіл туралы» Заңына арқау болып отырған мемлекеттік тіліне деген құрмет сезімін ояту, қазақ тілінің мемлекеттік тіл ретіндегі мәні мен маңызына терең мән беру, тіл мен әдебиетке деген қызығушылығын арттыру, өз елінің салт-дәстүрін құрметтеуге тәрбиелеу, отаншыл болуға баулу. Осы мақсаттарға жету үшін лицей мұғалімдері Р.Ибраимова, Н.Қамытбекова, К.Турашова, С.Болсанбекова үлкен үлес қосты.
Алғашқы қоңырауды соғу салтанаты әр сыныптың үздік, белсенді оқушыларына тапсырылды (10 оқушы). Лицейге жаңа қабылданған 7 сынып оқушылары қошеметпен білім күніне арналған тәрбие сағатын өткізуге өз сыныптарына кірді. Барлық сыныптарда оқу жылының алғашқы сабағы «Мен өз Елімнің патриотымын» тақырыбында өткізілді.
Арнайы құттықтау сөзді, және де лицейіміздің ұлағатты ұстаздарына Ғылым және Білім министірлігінің мадақтамаларын табыстау құрметі, Талдықорған қаласының әкімінің орынбасары Мамбетжанов Н.М. ұсынылды.