Данные из программы aSc Расписания были обновлены

18/10/2017

18.10.17 ж. «Білім-Инновация» лицей-интернат» базасында қалалық Алғашқы әскери дайындық пәні мұғалімдеріне, Рухани жаңғыру бағдарламасы аясында «Қазіргі кезеңдегі Қазақстан Республикасы Қарулы Күштері» атты оқыту семинары 37 ұстаздың қатысуымен өтті. Семинардың  мақсаты: Қалалық Алғашқы әскери дайындық пәні мұғалімдерімен тәжірбие алмасу. Міндеттері: бірлесе жұмыс істеудің жолын қарастыру;  кәсіби орта құра отырып, оқытудың әдіс тәсілдерімен бөлісу.

 Семинар бағдарламасының тақырыбы мен  күн тәртібіндегі  мәселелер туралы  қалалық  АӘД пәні мұғалімдері әдістемелік кеңесінің төрағасы Айтбаев  Б. таныстырды. «Қазіргі кезеңдегі Қазақстан Республикасы Қарулы Күштері» тақырыбы бойынша  лицейдің алғашқы әскери дайындық пәні мұғалімі Қ.Кенесбаев, 10 cыныпты топқа  бөлу арқылы  іс-тәжірибесімен бөлісті.

            Семинардан күтілетін нәтиже: Мұғалімнің бірлесе жұмыс істеудің жолын қарастыру туралы пікірі қалыптасады; Мұғалім өз тәжірибесіне енгізеді; Топтық жұмыс дағдылары қалыптасады.

13/10/2017

        

Мемлекет басшысының «Болашаққа бағдар: рухани жаңғыру» атты мақаласы аясында «Білім-инновация» лицей-интернатында Қазақстан Республикасының полигонын жабуда өте зор үлес қосқан Олжас Сүлейменовтын бірінші көмекшісі Мамбетов Хамит Исаұлымен кездесу өткізілді.

Қанымызға сіңген көптеген дағдылар мен таптаурын болған қасаң қағидаларды өзгерт­пейінше, біздің толыққанды жаңғы­руымыз мүмкін емес. Төл тарихымызға, бабаларымыздың өмір салтына бір сәт үңіліп көрсек, шынайы прагматизмнің талай жарқын үлгілерін табуға болады – деп оқушылармен әдеби-сазды кешін өткізді. Әдеби-сазды кешке лицей оқушылары, ұстаздары мен тәрбиешілері қатысып, ойларымен бөлісіп Хамит ағамыздын сұрақтары жауап айтып, би билеп, тақпақ пен ән айтып өткен тарихты көз алдында елестетіп, бір жауапкершілікте екендерін сезініп қайтты.

Хамит Исаұлы лицей оқушыларын көп кітап оқуға шақырды. Кездесу соңында директордың тәрбие ісі жөніндегі орынбасары Мейрам Жолдыбайұлы Хамит ағамызға лицейіміздің тарихы туралы кітабын сыйға тартты.

07/10/2017

Тәуелсіз еліміздің басты құндылығы ұрпақ тәрбиесі жолында қызмет етіп келе жатқан мұғалімдердің ата-анадан кейінгі  алатын орны ерекше. Лицейімізде ұстаздарға арналған мерекелік іс-шара  оқушылардың өзін-өзі басқару ұйымының жетекшілігімен және 7-11 сынып оқушыларының қатысуымен өтті. Жиын залында оқушылар ұстаздарын шоқ гүлдерімен қоса мерекелік жақсы тілектерімен қарсы алды. Сахнада барлық сынып оқушылары кезек- кезек ән айтып, би билеп, қызықты көріністерімен  мұғалімдерге мерекелік  шаттық көңіл күй  сыйлады.

04/10/2017

Талдықорған «Білім-Инновация» лицей- интернатында» оқушыладың өзін-өзі басқару ұйымына сайлау өтті. Сайлауға 11сынып оқушылары арасынан президенттікке     4 оқушы, министірліктерге 10 сынып  оқушыларынан 16  үміткер болды.Олар сайлау алды науқанына белсене қатысып лицей оқышыларын, мұғалімдерді   бағдарламаларымен таныстырып, үгіт- насихат жұмыстарын жүргізді.

Сайлау қорытындысы  лицей ұжымы  мен оқушыларына салтанатты сапта жарияланып жеңіске жеткен жетістіктерімен құттықталды  «Білегіңе сенбе, біліміңе сен!»  ұранымен лицейіміздің президенті болып Күмісбек Досжан сайланды, Білім және ғылым министрі – Арзенов Қажымұқан, Байланыс және ақпарат министрі – Бекетайұлы Данияр, Еңбек және халықты әлеуметтік қорғау министрі – Қамай Ұлан, Қоршаған ортаны қорғау министрі  -  Әсет Ердана, Денсаулық  және спорт министрі  -  Нұрдыбай Жарас,  Бейсенхан Бейғұт - Мәдениет министрі  болып, сайлаушылардың көңілінен шығып, көп дауыс жинап сайланды. Лицей  Президенті Күмісбек Досжан «Бірлік түбі - береке»  негізінде ой бөлісіп, бірлесе жұмыс атқаруға шақырды.

 

 

Өзін-өзі тану пән мұғалімі С.Нұрсапаева 10б сынып оқушыларымен «Отбасы – өмірдің мәні» атты ашық тәрбие сағаты  жоғары деңгейде өтті. Мақсаты оқушыларды отансүйгіштікке, адамгершілікке, рухани тазалыққа баулу. Отбасы тәрбиесінің мән - маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.

Кітапханашы Н.Қамытбекова «Отбасы – бақыт мекені» атты  көрме ұйымдастырылып, өзін-өзі тану пән мұғалімі С.Нұрсапаева 10б сынып оқушыларымен «Отбасы – өмірдің мәні» атты ашық тәрбие сағаты  жоғары деңгейде өтті. Мақсаты оқушыларды отансүйгіштікке, адамгершілікке, рухани тазалыққа баулу. Отбасы тәрбиесінің мән - маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.

            Отбасылық спорттық сайыс «ӘКЕМ, АНАМ  ЖӘНЕ МЕН» атты отбасылық жарыс  арқылы қорытындыланды.

27/09/2017

13-23   қыркүйек аралығында «Отбасы – бақыт мекені»  тақырыбында Қазақстан Республикасының Президенті – Елбасы Н. Ә. Назарбаевтың «Қазақстан — 2050» стратегиясы қалыптасқан мемлекеттің жаңа саяси бағыты» атты Қазақстан халқына  Жолдауын іске асыру шеңберінде халық арасында салауатты өмір салтын насихаттау, оқушылардың ата – аналарын дене шынықтыру мен спортқа баулу  аясында отбасылық спорттық жарыс  өткізілді.

Мақсаты:  Оқушыларды және ата-аналарды сұлу да сымбатты, денсаулығы зор, күшті болу үшін денені шынықтыру, оларға спортпен айналысуын қажет екендігінің манызын түсіндіру. Оларға спорттық ойындарды орындата отырып, спортқа деген қызығушылықтарын арттыру. Салауаттану – адам жанының да, тәнінің де тазаруы, денсаулығының жақсаруы, сондықтан салауатты өмір салтын ұстануға тәрбиелеу. Лицей апта аясында өтілетін іс-шаралар жоспары негізінде, апталықтың ашылуы «Әрбір отбасы мемлекет қорғауында» атты салтанатты жиынмен ашылды.

27/09/2017

 Кітапханашы Н.Қамытбекова «Тіл-  асыл қазына» атты  көрме ұйымдастырды.Тарих пәні мұғалімдері Мурзекенов А., Қожабекова Ә. «Латын әліпбиіне көшудің өзектілігі» атты ашық тәрбие сағаты  10 сыныптар арасында жоғарғы деңгейде өтті. 7-10 сыныптардың қатысуымен «Көп тіл білген адам» тақырыбында эссе, өлең жазу байқауы ұйымдастырылды. Барлық оқушылардың тіл жайында жазған жұмыстары тыңдалып, талқыланып, нәтижесі шығарылды.

27/09/2017

13-23   қыркүйек аралығында «Тіл- бар білімнің   кілті»  тақырыбында тілдер  мерекесі, Елбасының «Болашаққа бағдар:рухани жаңғыру» атты бағдарламалық мақаласы аясында тілдер мерекесі өткізілді. Мақсаты: Жас ұрпақты мемлекеттік тілді мақтан тұтуға, құрметтеуге тәрбиелеу. Туған елін сүюге, еліне деген мақтаныш, патриотизмін нығайту. Оқушылардың «ҚР-ғы Тіл туралы» Заңына арқау болып отырған мемлекеттік тіліне деген құрмет сезімін ояту,  қазақ тілінің мемлекеттік тіл ретіндегі мәні мен маңызына терең мән беру, тіл мен әдебиетке деген қызығушылығын арттыру, өз елінің салт-дәстүрін құрметтеуге тәрбиелеу, отаншыл болуға баулу. Осы мақсаттарға жету үшін лицей мұғалімдері  Р.Ибраимова, Н.Қамытбекова, К.Турашова, С.Болсанбекова   үлкен үлес қосты.

Алғашқы  қоңырауды соғу  салтанаты әр сыныптың үздік, белсенді оқушыларына тапсырылды (10 оқушы). Лицейге жаңа қабылданған 7 сынып оқушылары қошеметпен білім күніне арналған тәрбие сағатын өткізуге өз сыныптарына кірді. Барлық сыныптарда оқу жылының алғашқы сабағы «Мен өз  Елімнің патриотымын» тақырыбында  өткізілді. 

Арнайы  құттықтау сөзді, және де  лицейіміздің ұлағатты  ұстаздарына  Ғылым және Білім министірлігінің  мадақтамаларын табыстау құрметі,   Талдықорған қаласының әкімінің орынбасары Мамбетжанов Н.М. ұсынылды.

«БІЛІМ-ИННОВАЦИЯ» лицей-интернаты «Сыңғырла, күміс қоңырау!» атты салтанатты жиынмен  оқу жылын бастады. Жиын Казақстан республикасының ән ұранымен ашылып, лицей директоры Пириев Эльбурс Камалұлы  жаңа оқу жылына арналған құттықтау сөзімен жалғасты. Сонымен қоса оқушылармен ұстаздарды  Талдықорған қаласының әкімінің орынбасары  Мамбетжанов Нұрлан Мәлікұлы  және ата-аналар комитетінің төрағасы Бердібеков Алмас Тоқтамысұлы  құттықтады. Директордың оқу-ісі жөніндегі орынбасары Айсина Гүлтуған Тенешқызы ата-аналарды, қонақтарды осы оқу жылында сабақ беретін ұстаздармен таныстырып, оқу жылына табыс тіледі. 

Болашақта білімнің биік шыңдарын бағындырып, армандарға қол жеткізсек деген үмітпен  11 сынып оқушылары  ұстаздары мен  інілеріне  деген ыстық лебізі мен  лицейіміздің табалдырығын   енді аттағалы отырған 7сынып оқушылары алғашқы ойларымен бөлісті.

Мұқият болыңыздар! Үйіңіздің кіреберісіндегі, аулаларыңыздағы, көшедегі бөгде заттар мен адамдарды дер кезінде өздеріңіз ғана байқай аласыздар.

 Қырағы болыңыздар! Маңайдағы адамдардың жүріс-тұрысына, орынсыз жатқан иесіз мүліктер мен заттарға көңіл аударыңыздар.

 Үйлеріңіздің қауіпсіздігін қамтамасыз етіңіздер: кіреберісте  домофонымен темір есік орнатыңыздар, жертөлелер, үй шатырлары және техникалық ғимарат есіктерінің ашық - жабықтығын тексеріңіздер.

 Көліктегі жолаушының күдікті жүріс-тұрысын көріп тұрып, байқамаған сыңай танытпаңыздар! Сіздер көлікпен жүру қауіпсіздігін сақтауға толық құқыларыңыз бар.

 Ешқашан, тіпті, өте қауіпсіз болса да, қандай да бір сақтау немесе басқа біреуге беру үшін біреудің қолынан зат алмаңыздар.

 Адамдар аз (иесіз) жерде күдік тудыратын затты тауып алу сіздің сақтығыңызды әлсіретуге тиіс емес. Қаскөй адам оны бір нәрседен, біреуден қорыққандықтан тастай қашуы мүмкін.

 Тіпті, сіздің жарылғыш құрылғыларын білетін жеке тәжірибеңіз болса да, онымен бір нәрсе жасауға тырыспаңыз. Өздігінен жарылғыштар өте сезімтал және әккі болып келеді.

 Күдік тудыратын затқа жақындамаңыздар, тіпті қол тигізбеңіздер,      бұл - өмірлеріңізге өте қауіпті.

 Балаларыңызға қауіпсіздік шараларын: бейтаныс адаммен көшеде сөйлесуге, үйде есік ашуға, жерде жатқан иесіз ойыншықты алуға, көзге түскен затқа жақындауға болмайтынын және т.б. үйретіңіздер.

 

 

Күдікті тұлғаларды байқаған жағдайда

халыққа арналған жаднама

 

Терроризм актілерін дайындау немесе жоспарлауды куәландыратынбелгілері: 

сіз жұмыс істейтін немесе үйдің ауласында, ғимарат айналасында (жиі баратын жеріңізді) күдікті тұлғалардың бірнеше рет көрінуі, фото және бейне түсірме жасауы, сондай-ақ дәптерге жазба жасау;

құқық қорғау орган қызметкерлерімен кездесуден қашу және бейне камерадан бұлтару әрекеттері (басын түсіру, бұрылып кету, бетін жабу);

жер төле және шатырларға техникалық қызмет көрсетуге қатысы жоқ тұлғалардың кіруі;

тұрғын және әкімшілік ғимараттарға қызмет көрсететін персоналдар және күзетушілермен бейтаныс адамдардың негізсіз байланысқа түсуі, олардан жұмыс тәртібі, қауіпсіздікті қамтамасыз ету бойынша шаралар және т.б. жөнінде мәліметтерді жинақтау;

бөгде тұлғалармен маңызы төмен жұмыстарды (пакет, түйіншек, посылка беріп жіберу) ірі сыйақыға орындайтын тұлғаларды іздеуі. 

 

Күдікті тұлғаларды байқаған жағдайда келесі іс-қимылды орындау қажет: 

Ұстауға өздігімен әрекет қабылдамау;

Олар жөнінде құқық қорғау органдарына шұғыл хабарлау;

Өзіңіз назарға түспеу, тұлғалардың санын, нақты сыртқа белгілерін, киімдерін және оларда бар заттарды, қолдануындағы автокөлік номерін және маркасын, қозғалыс бағытын белгілеп алу.

 

Күдікті зат тауып алған кездегі тұрғындарға

 арналған жаднама

 

Біліңіздер: заттардың сыртқы көрінісі оның расында неге арналғанын жасыруы мүмкін. Жарылғыш заттар үшін камуфляж есебінде әдеттегі тұрмыстық заттар қолданылады: сумка, пакет, түйіншек, қорап, ойыншық және т.б.    

Табылған заттардың жарылу қаупін куәландыратын, белгілері:

көлік маңында, баспалдақта, пәтерде және т.б. орындарда белгісіз түйіншектің немесе басқада бір заттардың болуы;

бөтен сумка, портфель, қорап, басқада заттың: кіреберісте, пәтер есігінің, көліктің маңында өзгеше орналасуы;  

табылған күдікті заттан шудың шығуы (сағат механизміне, жиілігі төмен дыбысқа тән).

 

Егер де сіз күдік тудыратын зат тауып алсаңыз, ол фактіні назардан тыс қалдырмаңыз:

қоғамдық көлікте:

-  заттың (сөмкенің және т.б.) кімдікі екенін немесе кім қалдырып кетуі мүмкін екенін қасыңыздағы адамдардан сұраңыз;

- егер иесі анықталмаса, табылған зат туралы дереу жүргізушіге немесе кондукторға хабарлаңыз.

 үйіңіздің кіре берісінде:

- көршілерден сұраңыз, мүмкін ол зат соларға тиесілі шығар. Егер иесі анықталмаса, табылған зат туралы дереу құқық қорғау органдарына хабарлаңыз (тел. 102, 112).

 3) көшеде, саябақта және т. б.:

- айналаңызға қараңыз, егер мүмкіндік болса, заттың иесін анықтауға тырысыңыз. Егер ол анықталмаса, құқық қорғау органдарына шұғыл хабарлаңыз (тел.102, 112);

- затты бөгде адамдардан оқшаулауға немесе алыс арадан затқа бөтендерді жібермеуге тырысыңыз. Құқық қорғау органдарының қызметкерлері келген бойда зат табылған уақыт туралы ақпарат беріңіз.

 4) мекемелерде, ұйымдарда:

- тауып алған зат туралы объект күзетшісіне немесе әкімшілігіне дереу хабарлаңыз.

Табылған затпен немесе күдік тудыратын заттармен жеке іс-қимыл жасауға тырыспаңыз, олар жарылғыш құрылғылар болуы мүмкін, бұл жарылысқа, көптеген құрбандыққа, қирауға әкелуі мүмкін.

 Үзілді-кесілді тыйым салынады:

 - табылған затты ұстауға, ашуға және орнынан қозғауға, бір жерден екінші жерге апаруға, қолға алуға;

- табылған затты қалтаға, портфельге, сөмкеге салуға және т.б.;

- жерге көмуге немесе оларды су қоймаларына тастауға;

- заттардан шығып тұрған сым темірлерді немесе сымдарды үзіп тастауға немесе тартуға, оларды залалсыздандыруға тырысуға;

- табылған заңсыз затты пайдалануға;

- оған жақын аралықта радио- және электрлі - аппараттарын, ұялы телефондарды пайдалануға;

 

 

Жарылғыш құрылғылардың іске қосылуы нәтижесінде  жарылыс аймағында немесе ғимараттың қираған үйінділерінің арасында қалған тұрғындарға арналған жаднама

 

Егер сіз жарылу аймағында қалсаңыз, естен танбай, қимылдай алатын халде болсаңыз, еңбірінші кезекте түтін мен жалын жоқ жерге қарай жүруге, еңбектеуге тиіссіз.

Егер сіз жарылыс кезінде зардап шекпесеңіз, ал қасыңызда зардап шеккен адамдар болса, олардың жан-күйлерін бағалаңыз: тамыры соға ма, адам есін жоғалтқан жоқ па? Ешқашан оның есін мүсәтір арқылы жиғызуға тырыспаңыз. Естен тану – бұл организмнің сыртқы әсерден қорғануы. Егер зардап шеккен адамның сынған жерлері болмаса (оның сүйектерін мұқият басып көріңіз), оны қырынан жатқызыңыз. Ол шалқасынан жатса, құсыққа шашалып, етпетінен жатса тұншығып қалуы мүмкін. Күре тамырдан қан кеткен (алқызыл қан шапшып жатса) кезде жарақатты неғұрлым тез, тым болмағанда саусақпен басып, содан соң жараның жоғары жағынан жіппен, белбеумен, баумен, белдікпен таңу керек.

 Егер сіз ғимараттың қираған үйінділері арасында қалсаңыз, саябырлауға тырысыңыз. Терең және бірқалыпты тыныс алыңыз. Өзіңізді құтқаратынына иландырыңыз. Дауыстап және заттарды соққылау арқылы адамдардың назарын аударыңыз. Егер сізғимараттың қираған үйінділерінің түбінде қалсаңыз, сізді жаңғырық дыбыс анықтағыш арқылы тауып алу үшін кез келген металл затты (сақина, кілт және т.б.) оңды-солды қозғап, дыбыс шығарыңыз.

Егер бекітулі кеңістікте болсаңыз, оттықты тұтандырмаңыз.  Оттегін сақтаңыз. 

Қабырғалардың қайта опырылып құлауын болдырмауға тырысып, абайлап жылжыңыз, сырттан соққан ауаның қозғалысы бойынша  бағдар ұстаңыз. Егер мүмкіндігіңіз болса, қолға ұстауға келетін заттардың (тақтайлар, кірпіштер  және т.б.) көмегімен төбені бекітіңіз, содан соң  көмек күтіңіз. Қатты шөл қысқан кезде кішкентай тасты аузыңызға салып, сорыңыз, мұрныңызбен тыныс алыңыз.

 

 

Адамдарды кепілге алған жағдайдағы іс-қимылдар бойынша

тұрғындарға арналған жаднама

 

Адамдарды кепілге алудың әрбір нақты жағдайы өзгеше және басқалардан ерекшеленеді. 

Сонымен қатар егер сіз кепілге алынсаңыз: 

1) өз-өзіңізге мүмкіндігінше жылдам келіңіз, тынышталыңыз және үрейленбеңіз; 

2) егер өзіңізді байлап немесе көзіңізді жапса, бойыңызды еркін ұстауға тырысыңыз, терең тыныстаңыз; 

3) болуы мүмкін қатаң сынаққа жеке адами, моральдық және эмоционалды тұрғыда дайын болыңыз. Осы ретте адамдарды ұстаудың көптеген жағдайларында кепілге алынғандардың тірі қалғандығын есте сақтаңыз. Сізді босату үшін құқық қорғау және арнайы органдары кәсіби шаралар қолданып жатқанына сеніңіз;  

4) егер қашып кете алатыныңызға толық сенімді болмасаңыз, қашуға тырыспаңыз; 

5) террористер туралы мүмкіндігінше көбірек ақпаратты есте сақтаңыздар. Олардың санын, қарулану дәрежесін мақсатқа сай белгілеу, дене бітіміне, сөйлеу акценті мен тақырыбына, темпераментіне, өзін ұстау мәнеріне және т.б. сыртқы пішінін сипаттайтын ерекшеліктерге көңіл аудара отырып, барынша толық кескінін жасау. Жан-жақты ақпараттың соңынан террористердің жеке бастарын анықтауда көмегі тиеді;

6) әр түрлі белгілер бойынша өзіңіз отырған (қамалған) орынды  анықтауға тырысыңыз;

7) мүмкіндігінше терезелерден, есіктерден және адам ұрлаушылардың өздерінен алысырақ, яғни құқық қорғау органдары белсенді шаралар қабылдаған жағдайда (үй-жайға шабуыл, мергендердің қылмыскерлерді көздеп атуы және т.б.) неғұрлым қауіпсіз жерге орналасыңыз;

8) ғимаратқа шабуыл жасаған жағдайда қолды желкеңізге қойып, еденге етпеттеп жатуды ұсынады; 

9) егер шабуыл жасаған және басып алған кезде Сізбен әдепкіде (Сіздің жеке басыңызды анықтағанға дейін) ықтимал қылмыскер ретінде бірқатар дөрекі іс-әрекетке барса, ашуланбаңыз. Сізді тінтуі, қолыңызға кісен салуы, байлауы, эмоционалдық немесе жеке басыңызға жарақат жасауы, тергеуге алуы мүмкін. Бұл тәрізді жағдайларға түсіністікпен қараңыз, шабуылдаушылардың мұндай әрекеттері (барлық адамды түпкілікті сәйкестендіргенге және шынайы қылмыскерлерді анықтағанға дейін) дәлелденген. 

 

Адамды ұрлаушылармен өзара қарым-қатынас:

агрессивті қарсылық көрсетпеңіз, шалт және қауіп төндіретін қимыл жасамаңыз, террористерді өздері ойластырмаған іс-әрекеттерге итермелемеңіз;

мүмкіндігінше адам ұрлаушылармен тікелей көзбен арбасатын байланыстан қашыңыз;

бастапқыдан - ақ (әсіресе, бірінші жарты сағатта) адам ұрлаушылардың барлық бұйрығын және өкімін орындаңыз;

пассивті ынтымақтастық позициясын ұстаныңыз. Сабырлы дауыспен сөйлесіңіз. Басып алушылардың ашу-ызасын тудыруы мүмкін  дұшпандық рең мен іс-қимылға шақыратын жек көрушілік сезімін білдіруден қашыңыз;

5) өзіңізді сабырлы ұстаңыз, бұл ретте өз абыройыңызды сақтаңыз. Үзілді-кесілді қарсылық жасамаңыз, бірақ өзіңізге өте қажетті жағдайда сабырмен өтініш жасаудан қорықпаңыз;

6) аталған жағдайда қатты күйзелуден қозғалуы мүмкін  денсаулық кінәратыңыз болса, бұл туралы өзіңізді ұстап отырған адамдарға сабырлы түрде жеткізіңіз. Қалыптасқан жағдайларды ескере отырып, біртіндеп өзіңіздің жай-күйіңізді жақсартуға байланысты өтініштер деңгейін арттыруға болады.

 Кепілдік жағдайында ұзақ болған кезде:

уайым, абыржу және асып-сасу сезімінің орын алуына жол бермеңіз. Алдағы сынақтарға өзіңізді ойша дайындаңыз. Ақыл-ой белсенділігін сақтаңыз;

ашыну сезімінің пайда болуынан қашыңыз, ол үшін өз-өзіңізді сендірудің ішкі ресурстарын пайдаланыңыз;

жағымды нәрселер туралы ойлаңыз және сондай жағдайларды еске түсіріңіз. Уақыт өткен сайын сізді босату мүмкіндіктерінің арта түскенін ойлаңыз. Сізді дәл қазір босату үшін барлық мүмкіндіктердің жасалып жатқандығына  сеніңіз. 

өзіңізге тұрақты айналысатын бір іс (дене жаттығулары, кітап оқу, өмір туралы естеліктер және т.б.) табыңыз. Дене және интеллектуалдық іс-қимылдың тәуліктік кестесін белгілеңіз, оларды қатаң әдістемелік тәртіппен орындаңыз;

күшіңізді сақтау үшін, тіпті ұнамаса және тәбетіңізді ашпаса да берген тағамның бәрін жеңіз. Осындай қысылтаяң жағдайда тәбетіңіз бен салмағыңыздың жоғалуы қалыпты құбылыс болып табылатындығына ден қойыңыз.

 Психологиялық орнықтылықты сақтау кепілдегі адамды құтқарудың маңызды шарттарының бірі.Мұндаойдың айқындығын сақтауға, жағдайды дәлме-дәл бағалауға мүмкіндік беретін жағымсыз әсерлер мен күйзелістерден оқшаулайтын кез келген амал-әдістер тиімді. Келесі ережелерді ұғып алған пайдалы:

аталған жағдайларда қолайлы дене шынықтыру жаттығуларын жасаңыз, кем дегенде, денедегі барлық бұлшық еттерді кезек-кезек ширықтырыңыз және босаңсытыңыз;  

барлық жағдайларда аутотренинг пен медитацияны қолдану өте пайдалы, олар өз психикаңды бақылауда ұстауға көмектеседі;

ішіңізден оқыған кітаптарыңызды, өлеңдеріңізді, әндеріңізді   есіңізге түсіріңіз, жүйелі түрде әр түрлі дерексіз проблемаларды  (математикалық есептерді шығарыңыз, шетел сөздерін есіңізге түсіріңіз және т.б.) ойлап алыңыз. Сіздің ақыл-ойыңыз жұмыс істеуі керек.

егер мүмкіндік боласа, қолыңызға түскеннің бәрін, тіпті оның мәтіні сізге мүлдем қызықсыз болса да оқыңыз. Сондай-ақ жазғандарыңызды қайтып алатынына қарамастан, жазуыңызға да болады. Ақыл-есті сақтауға көмектесетін осы үдерістің өзі маңызды.

5) Болып жатқан жағдайларды жүрегіңізге жақын алмай,  сырттан қарауға тырысыңыз, соңына дейін істің сәтті аяқталатынына сеніңіз. Қорқыныш, торығу мен селқостық – бұл үшеуі сіздің негізгі жауыңыз, оның бәрі – өз ішіңізде жатыр.  

 
 

Эвакуациялау туралы ақпарат алған кездегі

 тұрғындардың іс-қимылдары жөніндегі жаднама

 Егер сіз қауіпсіз жерге көшіруді бастау туралы ақпаратты  үйіңізде естісеңіз:

 1) ауа-райына қарай киініңіз, құжаттарыңызды, ақшаларыңызды, бағалы заттарыңызды алыңыз;

2) электрді, газды, суды ажыратыңыз, пештегі (алау ошақтағы (камин) отты сөндіріңіз;

3) көшу кезінде қарияларға және ауыр науқастарға көмек көрсетіңіз; 

4) кіреберіс есікті құлыпқа жабыңыз; 

5) ғимараттан шығыңыз және көшірушінің командасын орындаңыз, тастап кеткен үй-жайға жауапты адамдардың рұқсатынан кейін ғана қайта оралыңыз.

Егер сіз қауіпсіз жерге көшіру туралы ақпаратты  жұмыс орныңызда естісеңіз:

 1)асықпай және дүрлікпей жұмыс құжаттарыңызды сейфке  немесе кілтпен жабылатын үстел жәшіктеріне жинаңыз;

2) өзіңізбен бірге жеке заттарыңызды, құжаттарыңызды, бағалы заттарыңызды алыңыз;  

3) ұйымдастыру техникаларын, электр құрылғыларын сөндіріңіз;

4) есікті кілттеп жабыңыз және көшіру тәсілінде белгіленген бағытпен жүріңіз; 

5) ғимараттан шығыңыз және көшіру басшысының командасын орындаңыз.

 Жеңімпаздар марапатталды:Халықаралық ғылыми жобадан- 7оқушы,Республикалық ғылыми жобадан -2оқушы,Республикалық пән олипиадасынан -3 оқушы,КБО -2 оқушы,Жарқын болашақ  -1 оқушы,Ясауи олимпиадасында -1 оқушы жүлделі орындарды иеленді. құттықтаймыз!!!

2016-2017 оқу жылының үздіктері марапатталды

Жуырда лицейде, Алматы облыстық «Жетісу» телеарнасының бас директоры, «Қазақстан» телеарнасындағы жалпақ жұртқа танымал «Айтуға оңай» әлеуметтік-тұрмыстық ток-шоуының жүргізушісі Бейсен Құранбекпен,Грек-рим күресінен ,Пекинде өткен Олимпиада ойындарының қола жүлдегері ,халықаралық санаттағы спорт шебері. «Құрмет» орденінің иегері                           Нұрбақыт Молдахметұлы Теңізбаевпен  кездесу өтті. 

Ұлы Отан соғысының ардагерлерімен кездесу.Мақсаты:Оқушылардың Отан тарихына деген сүйіспеншіліктерін арттыру, жеңіс салтанатын көре алмай кеткен боздақтардың ерлік істеріне тағзым етіп,  ардагерледі  құрметтеуге  тәрбиелеу.              Соғысты көзімен көрген, көкірегімен түйіндеген ардагер аталарымыз,  Турашев Боран ата,Қанапиянов Тоқтар ата, үлкен тәрбиелік мәні  бар әңгіме өрбітіп,кездесу соңы мереклік концертке ұласты.